レビュー全文表示
2019-09-12
26 アクセス
大阪旅遊大家多數只會想起居酒屋、焼肉和壽司，其實甚少會有興趣食西餐。今次我哋住嘅酒店係梅田附近，一到入夜橫街窄巷都非常熱鬧，第一晩行街經過，係橫街不顯眼地方發現咗佢地，舖仔細細非常熱鬧，可惜當日booking Full咗就唔再接walk in 了。第二晩我哋6:00左右就到，入到舖頭已經坐咗一大半，而佢哋都係full 咗booking, 店員話如果可以8:00前走，都可以俾枱我地，心諗太好了。餐廳裏面其實面積非常細小，坐位不多，基本上全部都係日本白領，店員安排我地坐吧枱位置，其實吧枱位置都唔錯，因為係open kitchen 可以望到酒吧員工和廚師工作情況。當晚我地飲咗支白酒，試咗幾樣食物。店員送上小食送吓酒先，好脆不過有少少硬沙律很清新，非常新鮮鵝肝伴半燒日本和牛，佢配咗一個好特別嘅汁味道好夾煎金目鯛魚，魚皮煎得非常香脆黑毛豬肉卷，味道略為咸咗少少，同有D乾。總捨嚟講，大致都不錯，如果下次再去大阪，好期待會想再去多次，但係唔知仲識唔識路搵唔搵得到呢？
店員送上小食送吓酒先，好脆不過有少少硬
沙律很清新，非常新鮮
鵝肝伴半燒日本和牛，佢配咗一個好特別嘅汁味道好夾
煎金目鯛魚，魚皮煎得非常香脆
黑毛豬肉卷，味道略為咸咗少少，同有D乾。
總捨嚟講，大致都不錯，如果下次再去大阪，好期待會想再去多次，但係唔知仲識唔識路搵唔搵得到呢？
投稿
