北の味紀行と地酒 北海道 新宿アイランドタワー店 (Closed)

遊東京家人都慣性地入住「東京凱悅酒店」（Hyatt Regency Tokyo），今次亦不例外。由於難以掌握各人不同嘅航班抵達時間，首日嘅晚餐就約好咗喺酒店附近間樓上居酒屋「北の味紀行と地酒　北海道」（簡稱「北海道」）度邊食邊等。餐店位於飲食購物中心「Shinjuku i-LAND Tower」44樓高層，六點後有專𨋢直達，十分方便。步出升降機門，已聽到店內客人飲到興高采烈嘅聲浪，歡樂氣氛洋溢。可能見同行嘅全為六、七旬長者，八人派對就被安排入座私人廂房，空間感足。餐桌整潔企理，埋位每人先有一條熱毛巾，餐具全為自助式。最型就係個電子點餐系統，有彩圖參考之餘，仲有中、英、日、韓，四種語言可選。居酒屋絕對冇玩年齡歧視，同時亦有提供紙版酒牌及餐牌。居酒屋文化，第一時間就係叫生啤飲！（朝日啤酒：930円/大杯；590円/中杯）北の黃金雞（690円）：炸至金黃嘅雞件皮層乾巧香脆，雞肉幼嫩，屬送酒佳品！海の惠み彩りサラダ（1,390円）：色彩鮮艷嘅海鮮沙律其實係什錦刺身沙律，另配山葵豉油。沙律嘅什菜鮮爽，幾款刺身則不過不失。ずわい蟹天麩羅（1,390円）：松葉蟹天婦羅層炸皮輕巧鬆脆，反而個松葉蟹食落