マルヤス酒場 西葛西店

Open Now

Now Closed

呢間居酒屋24小時營業，好地道，入到去好多日本人，不過怕嘈嘅就唔啱，因為有啲客人講嘢都幾大聲，但作為遊客我就覺得好正😆，好似睇緊日劇果啲情境呢間居酒屋食物好有質素。炒豬肉，炸雞，串燒都好正，建議揀汁燒（即鹽燒另一個字，初初以為係辣無揀，要左一樣串燒揀呢隻味，點知係甜甜地嘅醬汁，鹽燒都好食但喊左少少，但如果送酒係一流）。個炸海老都幾得意，初初以為係天婦羅，黎到係一啲炸細蝦仔，雖然同想像有出入但好香口，係好食的，但係好熱氣，多人食就好。炒麵好好食，有少少中偏中式濕炒，但味道唔錯👍🏻餃子🥟都好食，內𥚃有肉汁👍🏻，另外炸雞真係必點，基本上日本炸雞多數都好食😋，但呢間係我今次係日本食過最好食😁。