Read full review
2019-05-07
42 views
首次黎神戶玩，話就話就係一天遊，但其實只會逗留大半日，為爭取時間，第一餐當然係要食聞名世界嘅神戶牛啦！從日本飲食網得知市內有間極受本地人歡迎嘅神戶和牛專門店「石田」，每間店嘅分別在於烹調和牛之方法，XO仔單憑天氣寒冷就揀咗去食涮涮鍋分店「すき焼きしゃぶしゃぶ神戸牛 石田」。經酒店訂座簡易順利，當中確認詳情亦附帶埋地圖，不過當日卻因遇上多條道路封閉，結果就行錯咗去第二間分店，幸好集團旗下嘅店舖都喺附近，接待員一發現狀況，即通知嗰邊嘅服務生走過黎親自帶路，體貼程度實在令人太感動啦！店子門面有個日式禪陣，流露著傳統和風設計。所有散座均為獨立式廂房，以木造敞門分格，私人空間足。每間房仲有個衣櫃俾食客掛起外衣及存放隨身物，唔洗食完一陣味咁行出街，感覺超級衛生。每個爐頭頂都有個大大嘅抽氣機同射燈，各方面都諗得十分周到。餐牌首頁先展出神戶和牛証書，為貴客先打下強心針。靚靚媽咪真係眼利，竟然俾佢留意到港人愛飲嘅十四代本丸清酒一合只售1,080円，比起香港平多多聲！既然係渡緊假，埋位就梗係要叫酒飲啦！細看餐牌會發現兩頁有關「石田」嚴選神戶和牛嘅概要，雖則附有彩圖，不過全為日文，又咁多字，所以都係影黎同大
經酒店訂座簡易順利，當中確認詳情亦附帶埋地圖，不過當日卻因遇上多條道路封閉，結果就行錯咗去第二間分店，幸好集團旗下嘅店舖都喺附近，接待員一發現狀況，即通知嗰邊嘅服務生走過黎親自帶路，體貼程度實在令人太感動啦！
店子門面有個日式禪陣，流露著傳統和風設計。所有散座均為獨立式廂房，以木造敞門分格，私人空間足。每間房仲有個衣櫃俾食客掛起外衣及存放隨身物，唔洗食完一陣味咁行出街，感覺超級衛生。每個爐頭頂都有個大大嘅抽氣機同射燈，各方面都諗得十分周到。
餐牌首頁先展出神戶和牛証書，為貴客先打下強心針。
靚靚媽咪真係眼利，竟然俾佢留意到港人愛飲嘅十四代本丸清酒一合只售1,080円，比起香港平多多聲！既然係渡緊假，埋位就梗係要叫酒飲啦！
細看餐牌會發現兩頁有關「石田」嚴選神戶和牛嘅概要，雖則附有彩圖，不過全為日文，又咁多字，所以都係影黎同大家分享。
店子午市提供多款壽喜燒及燒牛肉套餐，1,280円至4,800円食神戶和牛真係幾化算架，但因家人都係諗住黎食和式涮涮鍋，所以就大部份人都叫咗客包有小食、前菜、140g嘅特選神戶和牛、雜菜、飯或烏冬及甜品嘅涮涮鍋套餐「特選神戶牛しゃぶしゃぶ」；一客6,900円，加埋稅即7,452円。
點好菜，妹妹仔隨即送上鐵鍋，另跟多款調味配料、醬汁及小食。
配料、醬汁及小食
1 views
1 likes
0 comments
是日小食為濕潤爽甜嘅薯蓉沙律。
薯蓉沙律
1 views
1 likes
0 comments
四式前菜以拼盤呈上，左起分別為燉蛋、和牛壽司、芋頭件及漬物。和牛壽司輕輕燒過，半溶於口腔又唔會好溜。芋頭件則清新爽脆。最有驚喜反而係個燉蛋，因為清甜嫩滑嘅燉蛋內暗藏鬆爽嘅和牛。
主角神戶和牛嘅紅白雲石紋理均勻清澈，每片大得黎切得夠薄，外表已夠震撼！
神戶和牛
1 views
1 likes
0 comments
輕輕烚過嘅和牛入口即溶於口腔，軟滑柔潤，神戶牛果然零舍不同。
神戶和牛
2 views
1 likes
0 comments
接著成籃上嘅雜菜款色多，且每款都咁新鮮高質。籃中個人最愛就係幾款日本靚菇。熱食最後仲有煙韌彈牙嘅烏冬。
上甜品前，每人先有一杯有助消化嘅焙茶。
焙茶
2 views
1 likes
0 comments
涮涮鍋套餐以節令果物作結，當中橙美嘅日本柿十分清甜，提子亦爽潤非常。
埋單平均每人八千幾円，可邊飲靚酒，邊食高質神戶和牛涮涮鍋，團友們都激讚細佬好介紹！
「すき焼きしゃぶしゃぶ神戸牛石田」可稱為高級涮涮鍋及壽喜燒專門店，店內散座全為獨立式廂房，既舒適又衛生。服務生不單友善有禮，而且極體貼入微，陣店神戶牛肉高質美味，價錢絕對合理，實屬神戶必到之餐店也！
Post
